Раҳмат билан Муҳим

Топса ризқин ҳар киши гердаймасин неъмат билан,

Ҳақ ато этган анга бир соҳири ҳикмат билан.

 

Айласин ҳар дам иродатга тутиб кучқувватин,

Камтаринлик ичраким ул тоза бир тийнат билан.

 

Бандалик азми ила кибру ҳаво ҳеч қилмасин,

Ўз шарифлик қадрини этсин бажо ҳиммат билан.

 

Шукрини айлаб мақомот ичра топсин аслини,

Аҳдига айлаб вафо ул туну кун заҳмат билан.

 

Одобу икром ҳаёси барчага бирдек зарур,

Лек ҳаёти ҳеч кишининг бўлмасин иллат билан.

 

Бас, мукаррамлик била, Маҳмуд, дилингни тоза тут,

Айласа Тангрим, ажабмас, ҳар кунинг раҳмат билан.

Исмоил Маҳмуд Марғилоний

Фикр билдириш

Э-почта манзилингиз чоп этилмайди. Мажбурий маълумотлар * билан белгиланган.

Сайт спам билан курашиш учун Akismet’дан фойдаланади. Кўпроқ маълумот бу ерда.

@irfonuz

Бизни Telegram’да ҳам кузатинг

Каналга қўшилиш
Ёпиш

Хато ҳақида хабар

Муҳаррирга жўнатиладиган матн: