Маломат

Неки билдинг, неки қилдинг – ҳеч бири тоат эмас,

Суйганинг роҳат эмасдур, қўрққанинг офат эмас.

 

Энг улуғ сўзларни айтдинг келмайин кўзларга нам,

Кулгали куч беҳисобдур, йиғламоқ одат эмас.

 

Бу умр недур ҳаётнинг интиҳосин ўйласанг,

Бир жавоб бермай туриб кун кўриш роҳат эмас.

 

Бу ўлим недур қиёмат ибтидоси олдида,

Нома келса сўл тарафдин, тургали тоқат эмас.

 

Дам урарсан охиратдан, еб ўзинг дунёга ғам,

Ёди бирла ўтган умринг лоақал соат эмас.

 

Тоатингда йўқ ҳаловат, йўлингга юргувчи кам,

Тил бўлак, дил бошқа бўлгач, эргашиш ҳожат эмас.

 

Аъзам Ўктам

Фикр билдириш

Э-почта манзилингиз чоп этилмайди. Мажбурий маълумотлар * билан белгиланган.

Сайт спам билан курашиш учун Akismet’дан фойдаланади. Кўпроқ маълумот бу ерда.

@irfonuz

Бизни Telegram’да ҳам кузатинг

Каналга қўшилиш
Ёпиш

Хато ҳақида хабар

Муҳаррирга жўнатиладиган матн: