Яна муҳаррамга етдик…

Оқшом кирди, кун ботди, тун ортидан тонг отди. Умримизнинг яна бир йили сувдайин оқди-кетди.

Борлиқда – куз, йил бўйи бажарилган ишлар сарҳисоб қилинадиган, ҳосил йиғилиб, натижалар кўриладиган пайт. Остонада – муҳаррам, ўтган бир йилнигина эмас, ортдаги бутун умримиз, қилган амалларимизни кўздан кечиришга бебаҳо фурсат. Олдинда Аллоҳ таоло белгилаганча яшамоғимиз лозим бўлган муддат. Муҳаррам – яхши амалларимиздан кибрланмай, кўнглимиз ёғдуга тўладиган, ёмон ишларимиздан пушаймон бўлиб, тавба-тазарру қиладиган сарҳисоб онлари.

Яна бир сана ўтди, яна муҳаррамга ким етмади, ким етди. Бахтли у одамки – муҳаррамга етиб, сарҳисоб қилмоқ, шукру тазарруда бўлмоқ, ибодат қилмоқ саодати унга насиб этди.

Ўтган сана шунчаки кунлар йиғиндиси эмасди асло. Олдда ҳам шундайин йил бошланар, лаҳзалари бебаҳо. Унда қутлуғ ойлар – зулҳижжа, ражаб, шаъбон, рамазон. Унда муборак кечалар – Рағо­йиб, Исро, Бароат, Қадр – минг ойлардан хайрли имкон. Дуо қилайлик – бу кунлар хайру баракотидан баҳраманд бўлмоқ барчамизга насиб этсин, раҳмату мағфират сўраб қилган дуоларимиз ўтган муслиму муслималарга бориб етсин.

Бошланаётган янги сана барчамизга муборак келсин!

Фикр билдириш

Э-почта манзилингиз чоп этилмайди. Мажбурий маълумотлар * билан белгиланган.

Сайт спам билан курашиш учун Akismet’дан фойдаланади. Кўпроқ маълумот бу ерда.

@irfonuz

Бизни Telegram’да ҳам кузатинг

Каналга қўшилиш
Ёпиш

Хато ҳақида хабар

Муҳаррирга жўнатиладиган матн: