декабр 30

Худовандо, мурувват қил мани бечора ҳолимға,

Таним ожиз, забоним лол, белимда йўқ мажолимға.

 

Гуноҳ гирдобида қолдим, қаро юзли бўлиб борсам,

Нигоҳи раҳматинг-ла боқ эгилган қадди долимға.

 

Тирикликда кўриб лаззат, санга қилдим оз-оз тоат,

Агарчи тоатим оздир, эдинг барҳақ хаёлимға.

 

Карамликсан неча минглаб гуноҳкорларни афв этган,

Кечирганлар қаторида ишорат қил мисолимға.

 

Бўлай жаннат аро бир гўшада хизматгузоринг ман,

Суюкли бандалар бирла, дегил, етгил висолимға.

 

Умидим, Ҳусниё, ё Раб, бутун қилғил имонимни,

Ҳамма ҳамду сано хосдир карамлик Зулжалолимға.

Ҳусниддин Зулфонов

Дўстларга тавсия этиш
2017 йил 30 декабрда эълон қилинган  71 марта кўрилган