Ҳар бир ишнинг маълум вақти бўлгани каби, фарз намозларининг ўқилиши учун ҳам белгиланган муддатлар бор. Улар қуйидагича:

1. Бомдод намозининг вақти: Шарқ уфқида оқлик – тонг (ёруғлик)нинг ёйила бошлаганидан қуёш чиққунига қадар бўлган вақт.

2. Пешин намозининг вақти: қуёш қоқ тиккага келгандан бир оз кейинроқ бошланади. Кун оғган пайт, яъни, ер юзидаги тик турган нарсаларнинг кўланкаси қиёмдаги соясидан ташқари, ўз бўйидан бир ё икки ҳисса ортишига қадар давом этади.

3. Аср намозининг вақти: пешин вақтининг тугашидан бошланиб, қуёш ботгунича бўлган вақт.

4. Шом намозининг вақти: қуёш ботгандан сўнг бошланиб, уфқдаги қизиллик йўқолгунича давом этади.

5. Хуфтон намозининг вақти: шом вақти тугаганидан кейин бомдод намозининг вақти киргунига қадар.

Ҳар бир намоз ўз вақтида ўқилиши шарт. Вақти кирмасдан олдин ўқилган намозлар қабул бўлмайди. Бирор узр билан ўз вақтида ўқилмаган намозлар бошқа пайт қазо қилиб ўқилади. Аммо намозни сабабсиз кечиктириш гуноҳ.

Нафл намозларни эса қуйидаги уч вақтдан ташқари исталган пайтда ўқиш мумкин:

1. Қуёш чиқаётганда;

2. Қуёш қоқ тепада эканида;

3. Қуёш ботаётганида.

Дўстларга тавсия этиш
2014 йил 3 июнда эълон қилинган  3706 марта кўрилган